Во текот на вчерашниот ден, односно во вторникот, нема влез на нови мигранти во Македонија на јужна граница, бидејќи во последните два – три дена нема излез на мигранти од Македонија, информираат од Министерството за внатрешни работи.
По одлуката на самитот на земјите од ЕУ на којшто се одлучи да се затвори Балканската рута, а Македонија е дел од неа, и мигрантите од Грција да се префрлат во Турција, се очекува во наредните неколку дена да се состане Управувачкиот комитет составен од сите институции кои се засеганти од мигрантската криза, за да се одлучи како Македонија ќе постaпува понатаму.
Претходната одлука на Управувачкиот комитет гласеше – колку мигранти ќе излезат од Македонија толку ќе бидат и примени на јужната граница.
