Вредноста на еврото на финансиските пазари денес се намали по објавата на податоците за падот на индустриското производство во Германија.
Вредноста на еврото во однос на американскиот долар се намали од 1,2655 на 1,2616 долари. Вредноста на доларот во однос на јапонскиот јен се намали од 108,79 на 108,61 јени.
Индексот на американскиот долар, или вредноста на доларот во однос на странските валути од шестте главни трговски партнери на САД, е зголемена за 0,14 проценти на 85,80.
Германското Министерство за економија соопшти дека индустриското производство е намалено за четири проценти во август, што е најголемиот пад од почетокот на 2009 година и далеку поголем од очекуваниот од 1,5 проценти.
Слабата побарувачка за стоки во земјите на еврозоната и Кина, прекинот на трговијата со Русија која е значителен трговски партнер, се главни причини за овој пад.