Џон Џенгер, извршниот директор на компанијата „Accolo“ која се занимава со регрутирање, вели дека поголемиот дел од огласите за работа се грозни и многу неефикасни. Зошто?
„Општите наслови на огласите за работа и стандардната листа за квалификации, одговорностите и описот на работата повеќе не се применуваат во праксата“, вели Џенгер и додава:
„Замислете како е да отворите профил за барање на партнер онлајн и во него да напишете дека посакуваниот партнер мора да биде висок, да има солидни примања, куќа, автомобил… фала, пријавете се овде – да, така се напишани повеќето огласи за работа.“
Не го вработувајте „целиот свет“. Вработете еден одличен кандидат за кој ќе морате да знаете да објасните што е тоа што го прави вашиот кандидат одличен, личност која сакате да ја видите како дел од својот тим.
Тоа е љубовно писмо, вели Џенгер: „Одличниот оглас за работа е писмо наменето на (една) конкретна личност. Напишете општ наслов и ќе вработите општа личност“.
Тој вели дека најдобро е кога огласот му ја испраќа следнава порака на кандидатот: „Сеуште не те познаваме, но знаеме дека ќе ти се допадне оваа работа“.
Ова може да звучи како изводливо кога се во прашање креативни работи и работи кои се обраќаат на помладата популација, но Џенгер тврди дека во прашање е пристапот кој може да се примени за било кој оглас за работа.
„Всушност, многу поедноставно е да се напише таков оглас, отколку досадни информации кои ги содржат сите огласи за работа.“
