Нови колективни договори за текстилната индустрија и за кожарско-чевларската индустрија потпишани се во петокот од страна на претставници на работодавачити и на синдикатот.
Двете страни искажаа задоволство со овој чин со кој уште еднаш се потврди дека социјалниот дијалог на бипартитно ниво бележи напредок, во делот на регулирањето на правата и обврските на работниците и работодавачите од стопанството.
Договорот го потпишаа Претседателот на Здружението за текстилна индустрија при Организацијата на Работодавачи на Македонија Димитар Поповски и претседателот на здружението за кожарско чевларска индустрија при Организацијата на Работодавачи на Македонија Костадин Барзов и Ангелко Ангелковски претседателот од Синдикатот на работниците од тесктилна, кожарска и чевларска индустрија при ССМ.