Според податоците на Државниот завод за статистика, во третото тримесечје од 2015 година, стапката на слободни работни места изнесува 1.55%.
Највисока стапка на слободни работни места има секторот Ѓ – Градежништво и изнесува 2.69%, додека најмала е стапката во секторите Д – Снабдување со вода; отстранување на отпадни води, управување со отпад и дејности за санација на околината и Љ – Јавна управа и одбрана; задолжително социјално осигурување, каде што изнесува 0.19%.
Деловните субјкети со број на вработени од 3 до 9 имаат највисока стапка на слободни работни места која изнесува 2.16%.
Пелагонискиот регион има највисока стапка на слободни работни места која изнесува 2.53%.
Најголем број на слободни работни места, односно 2000, има во петтата група на занимања – Работници во услужни дејности и продажба.
