Речиси една година откако „Asus“ за прв пат го покажа смартфонот „Asus ZenFone Zoom“, уредот конечно е достапен за купување, барем во Тајван. Според информациите кои се појавија, „ZenFone Zoom“ ќе биде на располагање во две верзии.
Првата верзија е со 64 GB интерна меморија и 2,3 GHz quad-core Intel Atom Z3580 процесор, а другата е со 128 GB интерна меморија и 2,5 GHz quad-core Intel Atom Z3590 процесор. Моделот од 64 GB ќе чини 428 долари, додека смартфонот со 128 GB се продава по цена од 490 долари.
„Asus ZenFone Zoom“ има такво име поради задната камера која е од 13 мегапиксели со 3x оптички зум, додека на предната страна е камера од 5 мегапиксели. Покрај камерата, „ZenFone Zoom“ доаѓа и со оперативниот систем „Android Lollipop“, 5,5-инчен екран 1080p, 4 GB RAM меморија, „LTE“ поврзување, како и батерија од 3000 mAh.
Од „Asus“ не објавија кога смартфонот „ZenFone Zoom“ ќе биде достапен за купување и на останатите пазари.
