Премиерот на Турција, Ахмет Давутоглу во средата изјави дека не очекува Русија да ја сопре испораката на гас во Турција, но дека Анкара сепак се подготвува и за такво сценарио.
„Не мислам дека Русија ќе го сопре испорачувањето на гасот. Имаме взаемни обврски кои се регулираат според меѓународното право“, рече Давутоглу.
Министерството за енергетика на Турција доби задолжение да разработи разни алтернативи во случај да биде прекинато испорачувањето на гасот.