Дел од интернет просторот, наречен „Dark Web“, е местото каде хакерите продаваат украдени податоци од дебитни и кредитни картички.
Од компанијата „McAfee Labs“ направија истражување на овој пазар и даваат оценка за колку хакерите ги продаваат овие податоци. Студијата, пренесена од „Business Insider“, покажува дека колку повеќе податоци ќе успеат да украдат сајбер криминалците за картичката, толку поскапо ги продаваат. Заедно со бројот на кредитната картичка, има уште неколку клучни податоци кои се вредни.
Еве и кои се тие:
„CVV“ – тоа е кратенката во секторот на кредитните картички, што доаѓа од „card verification value“ (бројка за верификација на картичката).
„CVV1“ – е уникатниот трицифрен број, кодиран во магнетна лента на картичката, додека „CVV2“ се последните три бројки од запишаните на задната страна.
Податоците кои хакерите ги продаваат се во неколку насоки. Едниот пакет кој го нудат се нарекува „Fullzinfo“. Во него се содржани сите потребни податоци за картичката – полно име, број на кредитна картичка, датум на истекување, „PIN“ код и „CVV2“. Според пресметките на „McAfee“, овој пакет се продава за 30 долари за картичка во САД и 40 долари на картичка во Европа.
Друг начин за хакери да ја зголемат цената е да обезбедат рамнотежа за картичките кои ги продаваат. Преку електронско копирање на податоци од магнетната лента, хакери имаат можност да состават рамнотежа и да ги продаваат оние со повисоки лимити за сума меѓу 110 и 120 долари за картичка.
