Албанија ќе побара официјално отворање на уште еден граничен премин со Македонија.
Пратеникот на владејачката Социјалистичка партија на Албанија Таулан Бала, инаку еден од највлијателните пратеници на Социјалистичката партија изјави дека изградбата на патот од Либражд до селото Стеблево (област Голобрдо ), ќе заживее овој регион, но за да ефектите бидат пошироки во однос на развој на регионот, Владата во Тирана ќе побара отворање на уште еден граничен премин кон Македонија.
Станува збор за трет граничен премин во поширокиот регион на Дебар. И покрај тоа што Бала не спомнува на кој дел од пограничниот дел на регионот на Дебар ќе биде преминот, се оценува дека се мисли на отворање на третиот премин во овој регион помеѓу премините Блато и Џепиште на Македонско – албанската граница.