Цената на „кошницата“ (OPEC Reference Basket of crudes) референтна нафта на Организацијата на земјите извознички (OPEC) во петокот падна за 01,15 долари, или за 0,38 отсто, на 38,37 долари за барел од 38,52 долари колку што изнесуваше претходниот трговски ден, се наведува во соопштението објавено на интернет страницата на организацијата.
Со тоа, просечната цена на барелот нафта на OPEC во ноември изнесувала 41 долар, додека во изминатиот период од 2015 година изнесувала 51,27 долари.
Во минатата 2014 година, цената на „кошницата“ изнесуваше 109,45 долари за барел, во 2011 – 107,46 долари, а во 2010 година изнесуваше 77,45 долари. Рекордна цена „кошницата“ нафта на OPEC достигна на 3-ти јули 2008 година, со цена од 140,73 долари за барел.
Ценатa на „кошничката“ на нафтата на OPEC се определува како просечна цена од следните типови нафта што ги произведуваат земјите членки на картелот: Saharan Blend (Алжир), Girassol (Ангола), Oriente (Еквадор), Iran Heavy (Иран), Basra Light (Ирак), Kuwait Export (Кувајт), Es Sider (Либија), Bonny Light (Нигерија), Qatar Marine (Катар), Arab Light (Саудиска Арабија), Murban (ОАЕ) и Merey (Венецуела).
