Терористичките напади во Париз и политичката нестабилност во Европа ги отвраќаат компаниите од инвестиции, предупреди извршниот директор на Siemens, Џо Кајзер.
Тој за весникот Financial Times изјави дека кај инвестициите многу сметка се води за довербата и за иднината, а кога ќе се случат вакви настани, луѓето се одлучуваат да почекаат.
Siemens е најголемиот европски конгломерат со 350.000 вработени.
Коментарите на Кајзер се слични со оние на италијанскиот министер за финансии, Карло Падоан, кој истакна дека со нападите на 13 ноември во кој загинаа 130 лица загрозено е кревкото економско закрепнување на еврозоната.
