Американската агенција за кредитен рејтинг „Standard & Poor’s – S&P“ го зголеми кредитниот рејтинг на Холандија на највисоката оценка „ААА“.
„S&P“ својата одлука ја објасни со тоа што економското закрепнување на оваа земја од еврозоната зема замав.
„Зголемувањето на рејтингот е одраз на нашиот став за зајакнувањето на економското закрепнување на Холандија, при што домашната побарувачка расте силно, како резултат на скокот на реалните расположливи приходи, вработувањата и инвестициските активности“, се наведува во извештајот на рејтинг агенцијата, а пренесува Франс прес.
