Околу 200 милиони емигранти, односно луѓе, кои си заминале од матичната земја, во моментов се регистрирани на светскиот пазар на труд.
Според податоци на истражувањето на Би-Би-Си за мобилноста на работната сила и можностите за вработување, најбарани на светскиот пазар, а со тоа и во Европската унија во моментов се медицинските експерти, каде спаѓаат лекарите и медицинските сестри. Дури 21 земја има сериозен дефицит во оваа сфера.
На цена особено се физиотерапевтите, кои без проблем ќе најдат работа во Австралија, Канада, на Нов Зеланд и во САД, додека во Европа дефицит во оваа професија е забележан во Белгија.
Високообразованите експерти, инженери од сите струки, на цена се во цела Европа.
Посебно се издвојуват инженерите од градежништвото, електротехниката, електрониката, хемијата, рударството, инженери и проектанти на компјутерски системи, како и програмери.
Проценките, базирани на економската состојба во ЕУ во 2008 година, говорат дека на Унијата во следните 37 години, до 2050 година, ќе и бидат потребни 56 милиони емигранти на пазарот на труд.
