Денот на ослободувањето на Скопје, 13 Ноември, се одбележува денес со повеќе манифестации.
Скопје го одбележува Денот на ослободувањето
По тој повод, вечер во фоајето на Македонската опера и балет, градоначалникот на Град Скопје, Коце Трајановски, на добитниците ќе им ја врачи наградата „13-ти Ноември“ на Град Скопје за 2015.
Во рамки на свеченоста по повод Денот на ослободувањето на Скопје, во фоајето на МОБ, ќе биде отворена и изложба на ликовните дела, што беа насликани на Меѓународната ликовна колонија „Скопје 2015“.
Веднаш по доделувањето на наградите, во Салонот на МОБ, во чест на добитниците и по повод празникот на Скопје, ќе се одржи концерт на првенците на Македонската опера и балет.