Луѓето на разговорите за работа се среќаваат со бројни прашања, а точниот одговор на едно од нив може да биде клучно за вашата кариера, пишува на LinkedIn Лави Марголин, автор на книгата “Winning Answers to 500 Interview Questions” .
Прашањето е многу едноставно „Дали би лажеле за својата компанија?“.
Наведеното прашање работодавците го поставуваат за да добијат слика за моралниот компас на кандидатот, а авторот на коментарот истакнува колку е важно да одговорите негативно. „Јасно кажете дека никогаш не би лажеле“, вели тој.
„Во моралните компании не сакаат никаков поинаков одговор од наведениот. Неморалните компании можеби ќе посакаат од вас да лажете во одредени околности, но тоа би можело да ве доведе до крајот на вашата кариера“, заклучува Марголин.
