Стапката на невработеност во Швајцарија во месец октомври изнесувала 3,3 проценти од работоспособното население, штo е за 0,1 процентен поен повеќе отколку во претходниот месец.
Бројот на регистрирани невработени во октомври се искачи на 141,269, соопшти Државниот секретаријат за економија (SECO), пренесува швајцарскиот весник „20 минути“.
Тоа претставува зголемување за 3.043 лица во однос на септември, додека во споредба со октомври 2014 година бројот на кандидати за работа скокнал за 6,7 проценти, односно за 8,872 лица.
Невработеноста меѓу младите (15-24 години) во извештајниот месец била во пад, и тоа за 3,9 проценти, на 808 лица, додека на годишно ниво сепак е зголемена по стапка од 5,8 проценти.