Оваа година светот беше потресен од еден исклучително голем корпоративен скандал, кој пристигна од седиштето на најголемиот европски производител на автомобили „Volkswagen“.
Еве и некои од најголемите корпоративни скандали, кои се случија во последниве години:
Сметководствена измама во „Olympus“.
Поранешни шефови на производителот на производи за фотографска индустрија се изјаснија дека учествувале во сметководствени измами во вредност 1.7 милијарди долари спроведени во повеќе од десет години. Овој скандал речиси ја доведе до банкрот јапонската компанија. Тој беше откриен во 2011-та година, кога поранешниот извршен директор на компанијата Мајкл Вудфорд откри сомнителни исплати во сметководството на компанијата предводена од него.
Корупциски скандал поврзан со бразилската државна нафтена компанија „Petrobras“.
Предвидената вредност на овој скандал се проценува на околу 2 милијарди долари во моментов. Овој скандал ја тресе компанијата со месеци, а постојано излегуваат нови и нови податоци поврзани со него. Обвинителите го обвинија поранешниот извршен директор на компанијата за бесправното пренасочување на милијарди долари од неа за лична употреба или за мито на официјални претставници. Над 80 лица, вклучувајќи и високи бразилски политичари се вмешани во скандалот.
Скандалот со девизните манипулации.
Тој беше откриен во 2012-та година, кога од „Barclays“ се изјаснија за учество во шема за манипулирање на меѓубанкарската стапка „LIBOR“. Тој се користеше за одредување на цената на должничките инструменти во износ од илјадници милијарди долари низ целиот свет. Загубата од овој скандал се проценува на околу 9 милијарди долари за индустријата до моментов. Постои и прва пресуда за банкарот Том Хејс, во износ од 14 години, се верува дека тој стоел во основата на заговорот за манипулирање на каматната стапка.
Пирамидата на Берни Медоф.
Проценката на штетите од оваа измама, остварена од некогаш „почитуваниот“ финансиски експерт Берни Медоф, е во износ од 20 милијарди долари. Тој се изјасни за виновен во врска со дадените обвиненија кон него и во моментов ефикасно отслужува затворска казна од 150 години.
Сметководствен скандал, кој ја доведе до банкрот на „Enron“.
Енергетскиот гигант „Enron“ банкротираше во 2001-ва година, па така стана најголемиот корпоративен банкрот во САД. Штетите од сметководствените измами, доведоа до тоа, тие да се проценуваат на 74 милијарди долари. Пензиските сметки на илјадници вработени на компанијата исчезнаа во рамките на еден ден, а акциите поевтинија од 90.75 на 0,67 долари.
Сметководствената измама во „WorldCom“.
Некогаш втората најголема компанија која нуди фиксна телефонска услуга, исто така се вмеша во сметководствен скандал, кој придонесе до загуби во износ од 107 милијарди долари. Таа банкротираше во 2002-ра година, откако стана јасно дека нејзините менаџери вештачки пренеле средствата во износ од 11 милијарди долари преку лажни сметки. Бернард Ебер, поранешниот извршен директор на компанијата, е осуден на 25 години затвор.
Скандалот со „Volkswagen“.
Штетите од скандалот можат да достигнат 87 милијарди долари, според експертите од „Credit Suisse“. И иако од компанијата ја дефинираат оваа сума како нереално висока, на сите им е тешко да се утврди каква може да е потенцијалната загуба по завршувањето на скандалот.
