Буџетскиот дефицит на Франција на крајот на септември достигна 74,5 милијарди евра, што е за шест милијарди евра помалку отколку во истиот период минатата година, соопшти францускиот државен Секретаријат за буџет.
Буџетските расходи на крајот на септември изнесувале 275,3 милијарди евра, додека во истиот период пред една година биле 278 милијарди евра.
Даночните приходи пораснаа од минатогодишните 220,7 милијарди на 226,5 милијарди евра во септември оваа година, што е раст од 2,6 проценти.
Трошоците на државните службеници се зголемени за 0,7 проценти, на 91,3 милијарди евра, пренесува АФП.