17 мај, 2024
ПочетнаКУЛТУРА„Имате ли ритам?“ концерт за деца на филхармонијата

„Имате ли ритам?“ концерт за деца на филхармонијата

9768c4c4-649e-4e5d-be1f-02983cf9247f

Македонската филхармонија организира концерт со наслов „Имате ли ритам?“ кој ќе го одржи во сабота, во Домот на АРМ, со почеток во 12 часот, а ќе биде изведен под палката на маестро Борјан Цанев.

Аниматор и овој пат ќе биде миленикот на детската публика, актерот Мартин Јорданоски, кој ќе ги воведе најмладите во тајните на ритамот и неговата разновидност.

Децата ќе имаат можност да слушнат композиции од класичната, но и од модерната музичка литература, во кои акцент е ставен токму на ритмичкиот импулс – дела од Смокварски, Калифе, Андерсон, Бернштајн, Штраус, Де Фаља. Концертот ќе ги донесе звуците и ритмите на Македонија, Либан, Куба, Шпанија…, а Јорданоски низ игра и хумор ќе се обиде да ги анимира децата „свирејќи“ на разно-разни предмети докажувајќи дека ритамот го има насекаде околу нас.

Овој пат посебно ќе се истакнат перкусионистите од оркестарот на Македонската филхармонија, кои ќе приредат и едно изненадување.

НАЈНОВИ ВЕСТИ

ХОРОСКОП