Квалитетот на живот може да се мери со различни индикатори. Во својата годишна листа Организацијата за економска соработка и развој (ОЕЦД) вклучи 34 држави кои се оценети според критериуми, како благосостојбата, балансот „работа-личен живот“, финансиско богатство, квалитет на животната средина и друго.
Еве кои земји влегуваат во топ 10:
10. Данска
Во категоријата „животна средина“, Данска се претставува многу добро. 94% од испитаниците се задоволни од квалитетот на водата за пиење во земјата. Данците се радуваат и на петте недели платен годишен одмор и тие се на 6-тото место според индикаторот „еднаквост на двата пола“. Во однос на финансиите исто така немаат тешкотии – над 73% од луѓето на возраст од 15 до 64 години имаат работа.
9. Нов Зеланд
Земјата е на прво место според индикаторот „здравство“. Има над просечна оценка и за квалитетот на животната средина. Емисиите на штетни гасови во Нов Зеланд се релативно ниски, главно поради малото население и близината до морето.
8. Холандија
Оваа земја има едно од највисоките нивоа на писменост во светот. Ова веројатно е и причината за нејзиното богатство. Холандските домаќинства имаат 27.888 долари годишен нето расположлив приход на човек, што е над просекот за земјите од ОЕЦД.
7. Шведска
Шведска е лидер по индикаторот „квалитет на животната средина“. Има и висока граѓанска активност. Одѕивот на последните парламентарни избори во земјата беше 87%. Друг важен индикатор е дека само 1% од Швеѓаните имаат подолг работен ден од просекот.
6. Канада
Замолени да го оценат нивното заедничко задоволство од животот во земјата на скала од 0 до 10, Канаѓаните даваат оценка 7,3. Таа е лидер и според индикаторот „станбена стандард“ – секој Канаѓанец располага со просечно 2,5 соби.
5. САД
САД се искачуваат за две места повисоко од минатогодишната оценка. Просечниот годишен расположлив приход на човек од домаќинството надминува 41.000 долари, што е доста над просекот за ОЕЦД – 25.908 долари. Во исто време, САД се наоѓаат на дното на листата според индикаторот „рамнотежа“ – „работа-живот“. Таа е единствената земја во ОЕЦД, во која нема мајчинство платено од државата, со исклучок на некои држави во кои има вакви исплати. А неплатеното мајчинство е кратко – 12 недели, но него можат да го искористат само вработените во компании со повеќе од 50 вработени.
4. Австралија
Слично на Шведска, и во Австралија има силна граѓанска активност. На последните избори одѕивот бил 93%. Причина за тоа донекаде е фактот дека гласањето е задолжително. Земјата сепак го отстапи лидерското место во рангирањето што го вршеше во последните две години.
3. Швајцарија
Швајцарија има едни од најниските нивоа на криминал и невработеност од сите индустријализирани земји. Само 3,5% од населението е без работа.
2. Исланд
Исланд се искачува за 9 позиции од минатата година. Земјата има најчиста вода за пиење на Земјата. Оценката на населението за задоволството од животот е 7,5 според скала системот.
1. Норвешка
Земјата се искачува од второ место во минатата година до почесното прво. Луѓето живеат најдобро во Норвешка, каде мнозинството имаат работа, образованието е квалитетно, а просечниот животен век е 82 години.