Продажбата на возилата на Фолксваген на неколку азиски и европски пазари паднала во октомври, првиот месец по избувнувањето на скандалот заради мамење на еко тестовите.
Според податоците објавени во петок во Јапонија, продажбата на возилата на Фолксваген во октомври паднала за 48 отсто во однос на истиот период лани.
Податоците на јапонското здружение на увозници на автомобили покажуваат дека минатиот месец се продадени 2.403 возила, додека во октомври 2014 година, кога Фолксваген беше водечки увозен бренд на јапонскиот пазар на автомобили, биле продадени 4.620 возила од овој германски производител.
Фолксваген на 18 септември призна дека во околу 11 милиони дизел возила вградил нелегален софтвер за да го прикрие вистинското ниво на издувни гасови, предизвикувајќи ја со тоа најголемата економска криза во историјата.
