Британскиот малопродажен гигант „Marks&Spenser“ соопшти дека во вториот квартал забележал пад на приходите во непрехрамбениот сектор, наведувајќи сепак, дека стратешки приоритет му е поттикнувањето на профитните маржи.
Компанијата стара 131 година евидентираше пад на приходите од 1,9 проценти во секторите за продажба на облека, обувки и домашни апарати, во продавниците отворени најмалку една година, пренесува Ројтерс.
Аналитичарите прогнозираа дека приходите ќе бидат намалени за 1,2 проценти, откако во претходните три месеци се намалија за 0,4 проценти.
Продажбата на облека донесува околу 40 проценти од вкупните приходи на компанијата. Профитот пораснал за 6,1 проценти на 284 милиони фунти, но кога ќе се земат во предвид еднократните трошоци, заработката пред оданчувањето е намалена за 22,7 проценти на 216 милиони фунти.
„Marks&Spenser“ наведува дека на ниво на целата деловна година очекува раст на профитот од два до 2,5 проценти во однос на претходно очекуваните еден до 1,5 проценти.
