Внимателно следената анкета на истражувачката куќа Маркит од Лондон покажа дека економијата во 19-те земји на еврозоната расте со стабилно темпо, иако без значителен напредок, и покрај големите стимулации кои ги лансираше Европската централна банка (ЕЦБ).
Маркит наведува дека индексот за управување со набавката, кој е мерило за економските активности во преработувачкиот и услужниот сектор, во октомври пораснал на 53,9 од 53,6 поени забележани во септември, кога индексот беше на четиригодишен минимум, пренесува агенцијата АП.
Секој резултат над 50 поени укажува на раст, а под 50 поени на пад на секторските активности.
Минатомесечниот индекс укажува на тоа дека економскиот раст на еврозоната во третиот квартал изнесувал 0,4 проценти. Меѓу четирите најголеми економии на еврозоната, Шпанија бележи најголема стапка на раст, а Франција најмала.
