Општина Македонска Каменица започна со изградбата на Дневен центар за лица со посебни потреби.
Дневниот центар што ќе биде изграден во непосредна близина на Детската градинка „Бамби“, зафаќа вкупна површина од околу 350 квадратни метри. Вкупната вредност на проектот е околу 12 милиони денари, а средствата се обезбедени од буџетот на општина Македонска Каменица. Фирма-изведувач е Хит Градба Еуростил од Македонска Каменица и целосна финализација на Дневниот центар се очекува кон средината на 2016 година.
Со реализацијата на овој проект ќе биде надминат деценискиот проблем на лицата со посебни потреби и конечно и тие ќе добијат свое катче во Македонска Каменица.
