Цената на нафтата повторно во вторникот го надмина нивото од 49 долари за барел на светските берзи со оглед дека инвеститорите го искористија изостанокот на негативни вести како можност за враќање на пазарот.
На лондонскиот пазар цената на нафтата порасна за 40 центи во однос на претходното затворање и изнесуваше 49,19 долари, а на американскиот пазар со барелот се тргуваше по 31 цент повисока цена, од 46,53 долари.
Вчера и берзите ги притисна податокот за рекордното руско производство, дополнително зајакнувајќи ја загриженоста поради прекумерното снабдување, а товар беа и слабите изгледи на кинеската побарувачка.
Инвеститорите денеска го искористија фактот што немаше негативни вести за да се вратат на пазарот, толкува Бјорн Шилдроп од SEB.
„Многу се раширени проценките дека цената на нафтата ќе се одлепи од ниското ниво и ќе тргне по нагорен тренд и дека производството во државите кои не се членки на OPEC ќе се намали па некои само бараат можност за купување“, толкува Шилдроп.
Аналитичарите сепак предупредуваат дека прекумерното снабдување нема да се намали позначително со пад на американското производство. Проценуваат дека моментно се произведува еден милион барели нафта дневно повеќе од што е потребно.
