Градоначалникот на Општина Карпош Стевчо Јакимовски во вторникот донираше играчки за сите градинки во Карпош.
Оштина Карпош обезбеди еко-играчки за детските градинки
Донацијата е во рамките на одбележување на роденденот на Општина Карпош 3-ти Ноември.
„На наше големо задоволство и радост, 39-от роденден на Општина Карпош го славиме заедно со нашите најмлади жители во предучилишните установи. Тука сме во градинката „Пролет“ во Козле, да ги поделиме нашите подароци, а тоа се дидактички играчки кои се методолошки и еколошки во согласност со европските стандарди. Поделивме подароци на сите десет клона и ова ќе го правиме повторно, сукцесивно, секои шест месеци, сé со цел за наредните две до три години да се обнови и зголеми бројот на играчки кои ќе го имаат децата, и сите градинки да бидат опремени со нив. Мислам дека задоволството кај децата е евидентно и секако и ние сме среќни кога правиме нешто добро за нашите најмали жители на општина Карпош“ , рече општинскиот татко.
За возврат, присутните дечиња од градинките на градоначалникот му го честитаа роденденот на Општината со песнички и стихотворби за есента и здравата храна.