Европската комисија (ЕК) треба да ја земе предвид бегалската криза кога ќе ги оценува буџетите на земјите членки, изјавил претседателот на Еврогрупата, Јероен Дајселблум, пренесуваат светските агенции.
„Кај некои земји постои ризик од пробивање на буџетите и во тој случај Европската комисија мора да ги земе предвид овие вонредни околности, и мислам дека тоа и ќе се направи“, изјавил Дајселблум на конференција во Хаг.
Говорејќи за островите на кои секојдневно пристигнуваат илјадници лица, Дајселблум истакнал дека „Грција не може сама да се носи со овој проблем и мора да се направи се за да и се помогне“.
