Бизнис туризамот забрзано станува начин на живот за многумина, па линијата меѓу бизнис и туристички патувања е се потенка.
Поради тоа во светот како тренд започнува да доминира „bleisure“ туризам, кој претставува комбинација на „business“ и „leisure“ туризам.
Па така бизнис туристите кои практикуваат поврзување на бизнис и приватното патување се наречени „bleisure“ туристи.
Некои истражувања покажуваат дека дури 65% од бизнис туристите во светот го продолжуваат својот претстој (по завршување на работните обврски) со цел да ја запознаат дестинацијата во која допатувале, додека повеќе од половината често со себе земаат и членови од семејството.
Бројот на ваквите туристи без сомневање ќе биде во уште поголем пораст во наредните години.