Извештајот кој опфаќа 142 земји го состави британскиот ,,Legatum institute”, како би го оценил просперитетот, каде се опфатени осум критериуми: економија, претприемништво, влада, образование, здравје на населението, безбедност, лична слобода и општествен капитал.
Норвешка е повторно прогласена за најпросперитетна земја во светот, покажа и овогодишното истражување, додека Македонија се наоѓа во жолтата зона на 65то место.
После Норвешка следи Швајцарија, додека Данска е на третото место. САД е на 11то место, а Велика Британија е на 15то место. Најјаката економија, Сингапур падна на 17то место поради лошото ниво на лична слобода и социјална кохезија.
Во регионот, Македонија се наоѓа на листата пред Србија, која се наоѓа во црвената зона на 73то место, потоа Албанија на 83то место и Босна и Херцеговина на 86та позиција.
Словенија е убедливо најпросперитетна од поранешните југословенски републики, со пласман на 25то место, Хрватска на 53то место и Црна Гора на 60та позиција.
Најпросперитетни земји во светот:
1.Норвешка
2.Швајцарија
3.Данска
4.Нов Зеланд
5.Шведска
6.Канада
7.Австралија
8.Холандија
9.Финска
10.Ирска