Бруто домашниот производ на Белгија во третиот квартал оваа година пораснал за 0,2 проценти во однос на претходниот квартал, соопшти националниот Завод за статистика.
Растот на белгискиот БДП во вториот квартал од 2015 година е ревидиран нагоре oд 0,4 на 0,5 проценти, пренесуваат белгиските медиуми.
На годишно ниво, БДП во третиот овогодишен квартал пораснал за 1,3 проценти, а во вториот за 1,5 проценти, наведува Заводот за статистика според кој растот е бавен во однос на предкризниот период, но сепак сигурен.
