Првите фотографии од производната верзија на хиперавтомобилот „Bugatti Chiron“ ги објавија голем број на специјализирани изданија. Кадрите се направени на јавен пат, а забележани се два примерока на моделот.
Точно е „Chiron“ дека се уште има делови кои се маскирани, но сепак од сликите станува јасно дека дизајнот на автомобилот ќе биде под силно влијание на концептот „Vision Gran Turismo“, кој „Bugatti“ го покажа претходно во Женева.
Кадрите само го откриваат задниот дел на „Bugatti Chiron“ каде гледаме масивен издувен систем, дифузор и активен спојлер. Што се однесува до светлата, тие се различни кај двата снимени модели што веројатно значи дека нема да бидат употребени кај сериската модификација.
За наследникот на „Veyron“ веќе се знае дека ќе добие хибриден агрегат со моќност од 1500 КС. Во неговата основа ќе биде 8,0-литарски W16 бензински мотор опремен со електрични и класични турбини.
За да се справи со високата тежина на хибридниот систем, инженерите се насочуваат кон широко користење на карбон.
Премиерата на „Bugatti Chiron“ е закажана за 2016-та година, кога треба да стартува и производството во фабриката во Франција. Предвидено е да бидат произведени 500 примероци или 50 повеќе од вкупниот тираж на двете верзии на „Veyron“. Што се однесува до цената, се очекува таа да стартува од 2,2 милиони евра.