Последнава година дефинитивно е добра за пазарите на недвижности во светот или за повеќето од нив. Во Европа продолжува да се набљудуваат „надуените имотни балони“ во некои земји, според податоците на Агенцијата за недвижности „Knight Frank“.
За споредба американскиот пазар на недвижности беше далеку анемичен со раст на цените од 4,8%, според податоците на британската агенција за недвижности.
Еве ги петте најдобри и најлоши пазари на имот за последната една година (во однос на промената во цените на имотот):
Ирска – раст од 15.0%
Најголемиот раст на цените на имот за последните 12 месеци стартува од Ирска. Земјата го заземаше дното на листата на „Knight Frank“ во повеќето од годините помеѓу 2009-2012, кога беше погодена од сериозна криза. Јавно сепак таа почнува да излегува од кризата. И покрај растот од 15% за годината до крајот на септември, недвижностите во Ирска продолжуваат да се со 39% под „врвот“ од пред кризата од 2007-ма година.
Дубаи – раст од 12,5%
Цените на недвижностите во Дубаи исто така регистрирале двоцифрен раст за последната една година. Растот сепак го прикрива нивното силно намалување за периодот меѓу јуни и септември, кога забележаа пад од 5.2%. Тоа беше нивниот прв од четирите годишни квартали во кој забележаа намалување, а стручњаците го објаснуваат тоа со силното зголемување од речиси два пати во трансферите и таксите за хипотекарни кредити во земјата. Исто така има стравувања дека луксузниот сегмент во земјата бележи сериозно забавување.
Велика Британија – раст од 10,5%
Земјата се насочува кон нов бум кај недвижностите. Иако сериозното зголемување на цените, луксузните имоти бележат значително забавување, а сочинуваат речиси 5% од пазарот во Лондон, тие се очекува да забележат нулта раст во цените за оваа година. Просечното зголемување во последните две години беше во износ од 7.9%.
Естонија – 10%
Растот во цените на имотот кај единствената земја од Централна и Источна Европа, која спаѓа во земјите со најголем раст во имотот, е Естонија. Цените сериозно го забавуваат растот во последниот квартал, а меѓу април и септември се намалиле за 1,1%. Растот на недвижностите во главниот град Талин е поради зголемениот интерес од руски купувачи кои бараат можности за инвестирање надвор од границите на својата земја.
Тајван – раст од 9,7%
Цените на недвижностите во Тајван се најрастечки меѓу земјите од Источна Азија. Цените на имотот таму се зголемуваат стабилно од 2009-та година, па наваму. Во главниот град Тајпеј просечната цена на квадратен метар веќе достигнува 7.112 долари, што го прави 18-иот најскап град во светот.