Забавувањето на инфлацијата и понатака претставува „голем ризик“ за еврозоната, и покрај благото подобрување на економскиот раст во овој регион.
„Растот конечно е забележан, но падот на инфлацијата создава големи проблеми…. Тука сеуште постојат големи ризици“, изјави член на Советот на гувернерот на Европската централна банка (ЕЦБ), Ерки Ликанен.
Претседателот на ЕЦБ, Марио Драги, минатата недела изјави дека банката разгледува нови потикнувачки мерки и дека за тоа ќе одлучува во декември кога ќе ги добие ажурираните прогнози за движењето на инфлацијата од своите експерти.