На азиските берзи цените на акциите во претпладневното тргување во средата паднаа втор ден по ред, бидејќи нема вести кои би ги поттикнале пазарите и поради тоа што инвеститорите се претпазливи пред пораките од американската централна банка Federal Reserve (Fed).
На токиската берза индексот Nikkei беше во плус околу 0,6 отсто, додека цените на акциите Австрија, Јужна Кореја, Хонгконг, Шангај и Сингапур паднаа меѓу 0,2 и 0,7 отсто. Затоа индексот MSCI на азиско-пацифичките акции без јапонските, во средата претпладнето беше во минус од 0,6 отсто, што е пад втор ден по ред.
На азиските берзи во средата претпладнето се тргува внимателно, како и на Волстрит во вторникот, каде што цените на акциите паднаа, исто така, втор ден по ред.
Тоа е последица од послабите деловни квартални резултати на низа американски компании, а значителни не порасна ниту акцијата на Apple, и покрај силниот раст на добивката и приходите на овој американски технолошки гигант. Инвеститорите, имено, ги загрижи падот на приходите на Apple на квартално ниво во Кина, неговиот втор според големината пазар.
Несигурност на пазарите внесува и нестабилноста на цената на нафтата. Иако во средата претпладне, цената на барелот на американскиот пазар стабилно се движи околу 43,30 долари, откако во вторникот се лизна за 1,7 отсто, на најниското ниво во последните два месеца, бидејќи, како што се чини, понудата и натаму е поголема од побарувачката. На лондонскиот пазар, пак, цената на барелот се движи околу 46,80 долари, откако претходниот трговски ден падна за 1,5 отсто.
Вложувачите се претпазливи и поради тоа што по дводневната седница челниците на Fed во средата попладне по средноевропско време ќе објават соопштение. Иако не се очекува дека Fed ќе ги зголеми клучните каматни стапки, бидејќи ситуацијата во светската економија е нестабилна, аналитичарите велат дека пазарите може да реагираат на пораките како банката ја согледува ситуацијата во американската и во глобалната економија.
Американската централна банка е во деликатна позиција, бидејќи минатата седмица кинеската централна банка повторно ги намали каматните стапки, веќе шести пар од ноември 2014 година, додека Европската централна банка (ECB) најави дека би можела дополнително да ја олабави монетарната политика, доколку тоа биде потребно за да се забрза растот на инфлацијата и економијата на еврозоната.
Инвеститорите се надеваа дека и јапонската централна банка во петокот дополнително ќе ја олабави монетарната политика поради ниската инфлација и можната рецесија во третата според обемот светска економија. Меѓутоа, по последните написи во јапонските медиуми, тие очекувања спласнаа.
Во очекувањето на пораките на Fed, и на валутните пазари владее претпазливост. Во средата претпладне курсот на американскиот долар во однос на јапонската валута се движи околу 120,45 јени, додека во вторникот во истиот период од тргувањето изнесуваше 120,60 јени. Во однос, пак, на европската валута доларот благо зајакна, па цената на еврото се лизна од вчерашните 1,1060 долари на 1,1035 долари.
