Индексот МБИ10 се намали денеска на македонската берза за 0,36, отсто и изнесуваше 1.689,06 поени, додека, пак, индексот за обврзници ОМБ ја зголеми својата вредност за 0,86 проценти и изнесуваше 127,82 поени, се наведува во извештајот за корисниците на Службата за услуги со хартии од вредност на „НЛБ Тутунска банка“.
Со промет во износ од 2.727.824,53 денари, и вкупно 28 реализирани трансакции e заврши денешниот трговски ден на Македонска берза за хартии од вредност.
Најголем промет оствари обврзницата од 13-та емисија (RMDEN13), во износ од 958.994,87 денари по просечна цена од 94м90 отсто.
Кај акциите, најмногу се тргуваше со акциите на „Комерцијална банка АД Скопје“ при што беше остварен промет од 808.600,00 денари по просечна цена од 1.850,34 денари.
Денеска најголем пораст оствари обврзницата за денационализација од 9-тата емисија (+2.34 отсто), додека ФЗЦ 11 Октомври АД Куманово ја предводи листата на губитници со пад од 22.33 проценти.
