Редизајнираната банкнота од 20 евра ќе биде пуштена во оптек од 25-ти ноември.
Втората генерација на еврата би требало да биде многу посигурна и потрајна, а во Европската централна банка (ЕЦБ) сметаат дека со новите безбедносни ознаки ќе биде многу потешко да се фалсификуваат банкнотите.
Сината банкнота од 20 евра, со големина 133 х 72 мм, е направена во готски стил. ЕЦБ и националните централни банки на земјите од еврозоната постепено ќе ја пуштаат во оптек новата банкнота.
По банкнотата од пет евра во мај 2013 година и банкнотата од 10 евра во септември 2014 година, ова е третата нова банкнота од серијата „Европа“.