Германската канцеларка Ангела Меркел оцени дека незапаметениот прилив на баратели на азил во Германија е уште едена последица на глобализацијата која на нејзината земја и донела голема полза при освојувањето на новите пазари.
„Вашето искуство од глобализацијата досега главно се состоеше во: нашата економија оди во другите земји, отвора фабрики, продава производи и позитивно влијае врз вработувањето во Германија и на нашите компании“, изјави германската канцеларка Ангела Меркел на конгресот на синдикатот IG Metall во Франкфурт.
Најголемата европска економија, долги години беше прва во светот во доменот на надворешното тргување, извозот во странство за повеќе до 100 милијарди евра месечно и со децении на тоа го градеше својот раст.
„А сега сме сведоци на обратно движење: сега глобализацијата доаѓа кон нас“, додаде канцеларката која широко ги отвори вратите на стотиците илјади доселеници кои се слеваат во Европа.
„Она што мислевме дека е далеку од нас, па така и војната во Сирија, или хаосот во кој е Либија, станува конкретно за нас во вид на бегалците.“, истакна Меркел.
„Ќе мора да прифатиме одреден степен на легална имиграција, тоа е глобализација (…) Во ерата на паметни телефони не можеме да се затвориме (…), луѓето добро знаат ако живееме ние во Европа“, додаде.
Иако Европа и Германија поради масовниот прилив се пред „голем предизвик“, „слободно може да се речи ‘ќе успееме’ во тоа“, повтори Меркел, а поради таа нејзина изјава, којашто стана нејзино мото во бегалската криза, заработи многу критики во земјата и во странство.
Во Германија се очекува до крајот на годината да дојдат најмалку 800.000 бегалци, а некои германски функционери дури предвидуваат од двојно поголема бројка дојденци.
