Берзанските индекси благо паднаа откако деловните резултати на повеќето американски компании беа послаби од очекуваното.
Dow Jones ослабна 13 поени, или 0,08 отсто, на 17.217, додека S&P 500 падна 0,14 отсто, на 2.030 поени, а Nasdaq се намали 0,50 отсто, на 4.880 поени.
Најмногу вчера падна цената на акциите во здравствениот сектор, за 1,5 отсто, и на биотехнолошкиот, за 3,2 отсто, кои веќе подолго време беа под притисок по најавите на неколку кандидати за претседател на САД дека треба под контрола да се стават цените на специјалните лекови.
„Очигледно е дека здравствениот сектор повторно е под притисок, особено на фармацевтските компании“, вели Мајкл О’Рурк, стратег во компанијата JonesTrading.
Под притисок вчера беше и технолошкиот сектор, а најголем губитник беше акцијата на IBM, чија цена падна за над 5 отсто и потона на најниско ниво за пет години.
Технолошкиот гигант извести во претходниот ден дека само приходите во изминатото тромесечје паднале 14-ти квартал по ред и тоа за 14 отсто.
Послаби од што се очекуваше квартални деловни резултати објави и Yahoo, поради што цената на интернет гигантот падна за над 1 отсто.
Од друга страна, благодарени на подобрите од очекувани резултати цената на акцијата на United Technologies порасна за речи 4 отсто, а на најголемиот американски мобилен оператор Verizon за над 1 отсто.
Меѓу најголемите губитници се најде акцијата на Harley-Davidson со пад за речиси 14 отсто, бидејќи познатиот производител на мотори, по слабото трето тромесечје, ги намали проценките за продажба во оваа година.
И на европските берзи цените на акциите вчера паднаа. Лондонски FTSE индекс ослабна за 0,11 отсто, на 6.345 поени, додека франкфуртски DAX се намали за 0,16 отсто, на 10.147 поени, а париски CAC за 0,64 отсто, на 4.673 поени.