Кинескиот производител на смартфони, компанијата „Oppo“ на „GITEX 2015“ саемот го претстави својот најнов смартфон. Станува збор за уредот „Oppo R7s“ кој меѓу останатото го одликува 5,5-инчен „AMOLED“ екран „FHD“ резолуција.
„Oppo R7s“ има метално „unibody“ куќиште во кое внатре има моќен хардвер. Смартфонот користи процесор „Qualcomm Snapdragon 615 SoC“, додека за „флуидната“ работа на оперативниот систем и придружните апликации ќе се погрижи 4 GB RAM.
Почетниот простор за чување на податоци (интерна меморија на уредот) изнесува 32 GB, но истата без проблем ќе може и да се прошири со вметнување на „microSD“ картичка (дo 128 GB). „Oppo R7s“ доаѓа и со две камери – позадинската е 13-мегапикселна, а предната е од 8-мегапиксели.
Димензиите на уредот се 151,8 x 75,4 x 6,95 милиметри, додека тежината е прифатливи 155 грама. Батеријата има капацитет од 3.070 mAh и поддржува „VOOC Flash Charge“ технологија за брзо полнење. Оваа технологија овозможува до два часа разговор по само пет минути полнење, а полнење до 90% по 50 минути полнење. Од софтверска страна се наоѓа со интерфејсот на компанијата „ColorOS 2.1“ кој па се темели на „Android“ (Lollipop 5.1.1).
Според димензиите е поголем „R7s“ модел во однос на помалиот „R7“ модел има батерија со поголем капацитет, поголема дијагонала на екранот, т.е. поголема интерна меморија. „Oppo“ со продажба на австралискиот и азискиот пазар ќе стартува во ноември, додека „R7s“ во европските и американските продавници ќе пристигне еден месец подоцна, во текот на декември.
