Европа (со исклучок на Велика Британија) и Јапонија ќе бидат најпознатите претпочитани пазари на капитал до крајот на годината, иако можностите за раст, кои ги обезбедува светската економија, остануваат под знак прашање.
Тоа го предвидува аналитичкиот тим на инвестициска компанија „Schroders“.
Експертите веруваат дека сомнежите за иднината на глобалната економија и одлуката на Федералните резерви на САД во септември да ги остави каматните стапки непроменети се должат главно на одложениот раст на Кина.
Развојот на пазарите
Во третиот квартал, британската компанија за управување со средства ја намалува оценката за пазарите во развој до негативна, а според аналитичарите промена ќе се случи само кога биде забележано значително стабилизирање на овие пазари.
Обврзници
„Schroders“ ја задржува неутрална оценката за хартиите од вредност со фиксен приход, но забележуваат дека државните хартии од вредност продолжуваат да се поддржани и моменталните индикатори се во корист за цените, особено имајќи го во предвид одложениот раст и подтиснатата инфлација. Позитивна е оценката за европските обврзници, водејќи сметка за понатамошните активности на „ЕЦБ“, кои најверојатно ќе вршат притисок на приносот, поддржувајќи ги цените на овие алатки. Од британското друштво ја зголемуваат оценката за корпоративните обврзници, а значително позитивни за европските обврзници се инвестиционен рејтинг, чии цени според нив стануваат доста атрактивни во последниве месеци.
Суровини
„Schroders“ остануваат неутрални во очекувањата за суровините. Тие истакнуваат дека цикличните суровини (како металите и енергијата) силно ги трпат последиците од забавувањето на растот во Кина. Во исто време тие очекуваат понудата на овие стоки да се намалува во иднина. Аналитичарите остануваат неутрални и за земјоделските производи, покрај зајакнувањето на ефектот од „Ел Нињо“ и очекуваните штети за следната жетва.
Имоти
Британскиот „асет“ менаџер останува позитивен и за секторот на недвижности во Велика Британија и Европа.
