Претседателот на Франција, Франсоа Оланд, изјави дека економскиот раст на неговата земја оваа година ќе достигне 1,1 проценти.
Тоа е незначително над еден процент, колку што предвидуваше владата.
„Ситуацијата во Европа е подобра, во Франција исто така, нашиот овогодишен економски раст ќе изнесува 1,1 проценти“, изјави францускиот претседател на тв станицата RTL.
Францускиот завод за статистика Инсее на почетокот на октомври ја ревидираше прогнозата за економскиот раст за 2015 година на 1,1 проценти.
