Утре во Атина ќе пристигнат претставници на меѓународните кредитори на Грција кои ќе донесат одлука за пуштање на првата транша од пакетот за финансиска помош во износ од две милијарди евра.
Претставници на Европската комисија, Европската централна банка, Европскиот механизам за стабилизација и Меѓународниот монетарен фонд, покрај вообичаените чешлања на грчките финансии, ќе ги преконтролира и мерките на штедење и реформите кои Собранието на Грција ги усвои минатата недела, а на што се обврза на договорот со меѓународните кредитори.
Сепак, конечната одлука за пуштање на првата транша, таканаречен “итен заем” во износ од две милијарди евра, ќе им даде работната група на Европската унија во среда.
