Еврото во четвртокот на меѓународните девизни пазари ослабе во однос на американскиот долар, по изјавите на функционерот од Европската централна банка (ЕЦБ), Евалд Новотни дека е сега очигледно дека банката мора да стори повеќе со цел да го поддржи економскиот раст во еврозоната.
Функционерот на EЦБ, Евалд Новотни, ги истакна големите ризици за еврото, во прв ред оние врзани со забавувањето на растот на глобалната економија што ќе ја поттикне банката да инјектира поголеми количества евра во економијата отколку што претходно вети.
Еврото во таквата атмосфера во однос кон доларот се лизна за околу 0,3 отсто, на 1,438 долари. Во претходното тргување во еден момент достигна до 1,1495 долари, највисокото ниво од 26-ти август.
Индексот на доларот, која ја мери вредноста на американската валута во однос на шесте водечки валути на земјите најголеми трговски партнери на САД, зајакна за благи 0,1 отсто, на 93,845 поени.
Јапонската валута, пак, зајакна за околу 0,5 отсто во однос на американската, на највисокото во последните осум седмици, па со доларот се тргуваше по 118,10 јени.
Доларот, сепак, и натаму се задржува подалеку од најниското ниво во последните три седмици во однос на кошницата валути, откако низата слаби економски показатели до САД ги поттикна инвеститорите очекувањата на зголемувањето на каматните стапки во САД да ги одложат за следната година.
Од изминатите шест седмици доларот кон спомнатата кошница валути ослаби во текот на пет од нив, а во тргувањето во четвртокот поголеми загуби, покрај оние во однос на јенот забележа и во однос на своите австралиски и новозеландски пандани.
Заедничката валута по добивките три седмици по ред, пак, се најде во ситуација на поголема изложеност на помалите корекции и добитни продажби, сметаат аналитичарите.
„Воопшто и натаму главна тема е слабеењето на доларот во однос на другите значајни светски валути, имајќи предвид дека пазарите не очекуваат зголемување на каматните стапки во оваа година. Не гледам што тоа во следните неколку седмици би го сменило“, вели за Reuters Ту Лан Н’гујен, валутен аналитичар во „Commerzbank“.
