Агенцијата „Standard & Poor’s“ (S&P) нагло ги намали своите прогнози за претставувањето на руската економија во оваа и во наредната година.
Според неа, нафтените цени ќе останат ниски за некое време, што значи дека изгледите пред економијата на Русија ќе бидат послаби од претходните очекувања. „S&P“ веќе предвидува намалување на БДП на Русија во оваа година за 3.6% при претходна оценка за слаба рецесија и намалување на економијата за 2,6 процентни поени.
За 2016-та година кредитната агенција очекува експанзија на руската економија со едвај 0,3% во однос на претходната прогноза за раст на БДП за 1,9 процентни поени. Агенцијата гледа и долготрајна слабост на домашната потрошувачка во земјата, која ќе продолжи и во почетокот на следната година и се очекува само слабо закрепнување на капиталните расходи во 2016-та година.
„Ние претпоставуваме дека увозот во Русија ќе почне да расте постепено по стабилизација на девизните нивоа на рубљата. Според нас е малку веројатно нето надворешна трговија да доведе до зголемување на економскиот раст на земјата во текот на следната година“, додаде рејтинг агенција во својата анализа.
