Потрошувачките цени во Кина се зголемуваат за 1,6% на месечна основа во септември, покажуваат податоците на кинеската национална статистичка агенција, цитирана од „WBPonline“.
Стапките на раст на потрошувачките страни во земјата се забави, во август беше забележано зголемување од 2%. Очекувањата на аналитичарите беа за раст на потрошувачките цени од 1,8%.
Податоците дополнително ја зголемуваат загриженоста за целокупната состојба на втората по големина светска економија. Премиерот на Кина изјави дека ризиците од дефлација отвораат можности за повеќе олеснувања.
Цените на непрехранбените стоки во септември се зголемија за 1% во однос на истиот месец минатата година. Најголем е растот кај храната (2,7%), следен од оној кај услугите (2,1%).
Консултантската компанија „Capital Economics“, со седиште во Лондон, очекува цените како на храната, така и на непрехранбените стоки да се зголемат во следните месеци.
„Сезонскиот пад на цените на овошјето и зеленчукот најверојатно привремено надолу ги повлекуваат потрошувачките цени во септември. Општо земено изгледа дека главните фактори кои ќе ја испратат инфлацијата нагоре, почнуваат да се стабилизираат“, вели економистот Чанг Лиу од „Capital Economics“.
Некои аналитичари стравуваат дека наскоро Кина може да пријави дефлација, ако не се воведат правилните политики. Овие грижи се поддржани од падот на производните цени во септември – 5,9% на годишна основа, што е 43-тиот последователен месец на дефлација. Во август намалувањето исто беше 5,9%.
Според Лиу тоа се должи повеќе на пониските трошоци за увоз, кои од своја страна се намалуваат и трошоците во индустриското производство, а не толку на слабото побарување.
