Ивица Тодориќ, сопственик на Агрокор, има богатство во вредност од 580 милиони евра и повторно оваа година е најбогатиот претприемач во Хрватска, според листата објавена од страна на хрватското издание на списанието Форбс.
Листата на Форбс оваа година опфати 50 имиња кои заедно имаат богатство од 1,7 милијарди евра и во однос на лани се побогати за 167 милиони евра, што може да се заклучи дека продолжената рецесија не им донесе загуба на најбогатите.
Од десет најбогати, на девет им е зголемено богатството.
Тодориќ во однос на ланската година го зголеми богатството за 92 милиони евра.
