Република Македонија ќе биде домаќин на првата европска регионална конференција за активен туризам „AdventureNext – Balkans“, која ќе се оддржи во мај, 2016 година.
Ова го најави директорот на Агенцијата за промоција и поддршка на туризмот Кристијан Џамбазовски, кој учествуваше на Самитот за активен туризам во Пуерто Варас во Чиле што се одржа од 5 до 9 октомври 2015 година.
На Самитот Република Македонија беше претставена како хит дестинација за Аdventure Тravel пред околу 700 туроператори и светски познати медиумски куќи.
Инаку конференцијата „AdventureNext – Balkans“, ќе се организира во соработка со Проектот на експанзија на мали бизниси, финансиран од УСАИД и од Владата на Швајцарија- Проектот ИМЕ, и Интернационалната асоцијација за активен туризам (ATTA).
ATTA- Интернационалната асоцијација за активен туризам е основана во 1990 година и опслужува повеќе од 1.000 членови во 90 земји во светот. Членови се претежно тур-оператори, туристички агенции, специјализирани агенти и медиуми кои имаат голем интерес за одржлив развој на авантуристички туризам, како пазар од 263 милијарди долари на годишно ниво.