„Ferrari“ може да добие оценка на вредноста од 9.82 милијарди долари, откако компанијата-мајка „Fiat Chrysler Automobiles NV“ предложи 9% удел на Њујоршката берза, информира „Bloomberg“.
Вкупно 17,2 милиони акции од производителот на спортски автомобили ќе бидат понудени по цена од 48 до 52 долари во готово, станува јасно од поднесените документи во американската Комисија за хартии од вредност и берзи. „Ferrari“ ќе се тргува со доста интересен код на берзата – „RACE“.
ИПО-то на „Ferrari“ и одделувањето на компанијата од „Fiat“ се дел од плановите за намалување на долговите на компанијата-мајка и финансирање на инвестициската програма за следните години.
Фокусот во наредните години ќе се останатите брендови, сопственост на „Fiat“ – „Jeep“, „Alfa Romeo“ и „Maserati“.
Од своја страна „Ferrari“ планира да го зголеми производството до 2019-та година на импресивни 9.000 автомобили годишно.
„UBS AG“, „Bank of America Corp.“ – „Merrill Lynch“, „Banco Santander SA“, „Mediobanca SpA“ и „JPMorgan Chase & Co.“ се водечки менаџери на ИПО-то на италијанскиот производител.
