Владата исплати 32,69 милиони денари субвенции на 2.127 земјоделци за повеќе мерки.
На 2.025 сточари исплатени им се 27,5 милиони денари и тоа: 23,2 милиони денари на 1.933 земјоделци за производство и продажба на овчо, кравјо и козјо млеко, 2,26 милиони денари за одбележани грла овци, 1,3 милиони денари за одбележани грла говеда и 761.000 денари за женски приплодни грла маторици.
Исто така исплатени се 2,89 милиони денари за постоечки овошни насади, два милиони денари за постоечки лозови насади, 155.450 денари за поддршка на полјоделството и 21.828 денари за градинарско производство на отворено и пластеници.
