Приходите на Русија од извоз на земјоделски производи во следните десет години ќе се приближат на оние од извозот на гас, изјави рускиот министер за земјоделство Александар Ткачев.
„Приходите од извозот на гас се 50 милијарди долари, а доколку биде сè според планот, ве уверувам дека за десет години извозните приходи од земјоделски производи ќе се приближат на оние од извозот на гас“, рече Ткачев за руските медиуми.
Доколку се оствари неговата прогноза, рускиот земјоделски извоз би требало да порасне два до два и пол пати, со 20 милијарди долари оваа, на 40 до 45 милијарди долари во 2025 година.
